Ando Državake muzeija e pomorsko, transportno hem braniteljsko istorijače
E Državake muzeija e pomorsko, transportno hem braniteljsko istorijače (SMMTF) tani e državaki institucija kasi buti tani te arakhi hem zorjačeri o kulturno nasledstvo, ama hem te motivišini hem te vazdel o džanibe ko pe područija. Oljengi buti valjani te ovel važno sa e manušendže ko društvo.
O SMMTF vodini hem razvijini efta muzeija ko štar thana.
O Muzej ando askerluko ki Štokholm mothovi i istorija ki Švedska ando 16. veko dži avdije, a fokus tano ko odova sar o mariba uticije ko manuša.
Webbthan: armemuseum.se
O Muzej ando vazduhoplovstvo ki Linköping tano tehničko hem kulturno-istorijsko muzeji kova isi lje posebno kolekcija ando askerenge avionija, lična istorije hem predmetija, kola mothoven o drumo ando anglune dive e avionenge pa sa dži o moderna JAS avionija.
Webbthan: Flygvapenmuseum.se
O Železničko muzeji ki Gävle tano nacionalno železničko muzeji ki Švedska kova mothovi i istorija andi švedsko železnica.
Webbthan: Jarnvagsmuseet.se
O Mornarsko muzeji ki Karlskrona, diz koja tani telo UNESCKO-so arakhibe, tano nacionalno muzeji andi istorija andi švedsko mornarica – ando vakti e bare silenge dži avdije.
Webbthan: Marinmuseum.se
O Pomorsko istorijsko muzeji ki Štokholm tano muzeji sa e familjijače kuri isi izložbe kola mothovena e manušeso odnos premalo more, jezera hem premalji obala ki istorija.
Webbthan: Sjohistoriska.se
O Vasa muzeji ki Štokholm tano jekh ando najposetime muzeija ki Skandinavija. Akate ičeri pe jekh posebno arakhlo maribaso/ratno brodo kova vičini pe Vasa, ando 1628. berš.
Webbthan: Vasamuseet.se
Vrak – Muzej ando phagibe ki Štokholm mothovi o istorije ando posebno kulturako nasledstvo ando Baltičko more.
Webbthan: Vrak.se
Uzo akava, ko SMMTF khuvena hem o kolekcija ando civilno vazduhoplovstvo, ama hem i kolekcija kola tane phanlje e istorija ando drumija hem saobraćaj ki Kjula.
Ani akija institucija isi hem o Savet za tradiciju odbrane, jekh stručno grupa koja dela savetija ando tradicije ki odbrana, sar soj tano o zastave hem standardija, medalje, grbija hem oznake ko uniforme.
O SMMTF sarađujini hem dela savet e regionalna hem e lokalna muzejendže, e udruženjendže, razna organizacijendže hem e privatno manušendže. Akija institucija procenini e kulturno hem i istorijsko vrednost ando brodija hem o čamcija za rekreaciju ama hem dela pare e brodondže kola isi ljen posebno kulturako nasledsvo. O SMMTF podržini hem o švedsko askerengo-istorijsko nasledstvo, but muzeija ki celo phuv kola mothovena i braniteljsko istorija.
O rodibe tano prirodno hem integrisano kotor andi buti koja čerela o SMMTF. O rodibe but fokusirinena pe ko teme kola tane phanlje e buča koja čerela pe ko institucije hem često čerena pe ki saradnja e univerzitetencar. O rezultatija ando odova rodibe ikaljena pe ko različita načinija, maškaro avera sar izložbe ko muzeija. O SMMTF ki saradnja e Univerziteteja ki Štokholm vodini o Centar e pomorsko studijendže, a o rodibaso centar tano fokusirimo ki pomorsko istorija, etnologija hem arheologija.
O SMMTF tano sertifikovano premalo standard ISO 14001.