Stáhta maritiibma, fievrrideami- ja suodjalushistorjjá museaid birra
Stáhta maritiibma, fievrrideami- ja suodjalushistorjjá museat lea stáhtalaš eiseváldi man bargu lea seailluhit ja ovddidit kulturárbbi ja ovddidit ja hukset máhtuid sin suorggis. Doaibma galgá guoskat visot olbmuide servodagas.
SMMTF jođiha ja ovddida giežá musea njeallje báikkis.
Soahteveahkamusea Stockhoalmmas govvida Ruoŧa historjjá 1500-logus gitta dálááigái, guovddážis lea sođiid ja riidduid váikkuhus olbmuide.
Webbasiidu: Armemuseum.se
Girdivearjomusea Linköpingis lea teknihkka- ja kulturhistorjjálaš musea sierranas čoakkálmasain militearagirdiiguin, persovdnamuitalusaiguin ja dávviriiguin, mat govvedit girdi mátki álgoáiggis gitta dálááiggi JAS-girdiide.
Webbasiidu: Flygvapenmuseum.se
Ruovderaŧŧemusea Gävles lea Ruoŧa našunálamusea ja muitala ruoŧa ruovderaŧi historjjá.
Webbasiidu: Jarnvagsmuseet.se
Marinmusea máilmmiárbbis Karlskronas lea Ruoŧa našunálamusea ruoŧa mearrasuodjalusa historjái - stuorrafápmoáiggis otná beaivái.
Webbasiidu: Marinmuseum.se
Mearrahistorjjálaš musea Stockhoalmmas lea musea olles vehkii čájáhusaiguin olbmo gaskavuođa birra mearaide, jávrriide ja mearragáttiide historjjá čađa.
Sebbasiidu: Sjohistoriska.se
Vasamusea Stockholmmas lea okta Skandináva eanemus galleduvvon museain. Dás gávdno áidnalunddot soahtefanas Vasa 1628 rájis.
Webbasiidu: Vasamuseet.se
Vrak – Museum of Wrecks Stockhoalmmas čalmmustahttá muitalusaid Lullimeara máilmmiáidnalunddot kulturárbbi
Webbasiidu: Vrak.se
Dasa lasiin siviilagirdičoakkálmas gullo daid geaidno- ja johtolathistorjjálaš čoakkálmasaide Kjulas SMMTF:s.
Eiseváldái gullo maid Suodjalusa árbevierrolávdegoddi mii lea ráđđeaddima áššedovdijoavku suodjalusa árbevieruid ektui, nugo ovdamearkka dihte leavggat ja heraldihkalaš leavggat, medáljjat, heraldihkalaš vearjjut ja uniforpmat.
SMMTF ovttasbargá ja addá ráđi regionála ja báikkálaš museaide, eaktodáhtolaš museaide, siera organisašuvnnaide ja priváhtaolbmuide. Eiseváldi árvvoštallá kulturhistorjjálaš árvvuid fatnasiin ja astoáigevanccain, ja juhket doarjaga fatnasiidda erenoamáš dehálaččat kulturárbái. SMMTF dorjo ruoŧa militearahistorjjálaš árbbi, mii lea fierpmádat suodjalushistorjjálaš museaide miehtá riikka.
Dutkan lea maid lunddolaš ja integrerejuvvon oassi SMMTF:s. Dutkan dahkko ovddimusat fáttain main lea čanus eiseválddi doibmii ja dávjá ovttasbargguin sierra universitehtain. Dutkanbohtosat almmuhuvvojit sierra ládje, earret iežá musea čájáhusain. SMMTF:s lea ovttasbargu Stockhoalmma universitehta ossodagain Guovddáš maritiibma oahpuide (CEMAS), dutkanguovddáš fokusiin maritiibma historjái, etnologiijai ja arkeologiijai.
SMMTF lea birassertifierejuvvon ISO 14001 jelgii.